БАТЫР ИСЕМЕН МӘҢГЕЛӘШТЕРЕП...

9 майҙа Айып ауылында махсус хәрби операцияла һәләк булған өлкән лейтенант Әхкәмов Илгизәр Вәғиз улы иҫтәлегенә мемориаль таҡтаташ асыу тантанаһы үтте.

9 майҙа Айып ауылында махсус хәрби операцияла һәләк булған өлкән лейтенант Әхкәмов Илгизәр Вәғиз улы иҫтәлегенә мемориаль таҡтаташ асыу тантанаһы үтте. Сарала Мәсетле районы Хакимиәте башлығы Әнис Әсәҙуллин, Илгизәрҙең әсәһе, хеҙмәттәше, туғандары, уҡытыусылары, ауылдаштары ҡатнашты.

Илгизәр белемен Оло Ыҡтымаҡ ауылының Башҡорт гимназия-интернатында ала. Уҡыу дәүерендә төрлө ярыштарҙа, бәйгеләрҙә, сараларҙа ҡатнаша. Милли көрәш, саңғы буйынса ярыштарҙа урындар яулай. Районда “Урал батыр” конкурсы еңеүсеһе тип танылғас, республика күләмендә сығыш яһай. Инша, шиғыр булһынмы – беренселекте бирмәй офицер. Илгизәр Вәғиз улы – спорт мастеры.

Бәләкәй саҡтан хәрби булам тип хыяллана һәм теләге тормошҡа аша – 2013 йылда Новосибирск юғары хәрби белем биреү училищеһына уҡырға инә. 2018 йылда ҡулына диплом алып, Уссурийскиға хеҙмәт урынына ебәрелә.

Ә 2018 йылдың 7 майынан бойороҡ буйынса разведка ротаһы взводы командиры итеп тәғәйенләнә. II дәрәжә “Хәрби батырлыҡ өсөн” миҙалы менән наградлана.

2020 йылдың 13 апрелендә “өлкән лейтенант” хәрби званиеһы бирелә. 2022 йылдың 20 апрелендә “Сүриә хәрби берҙәмлеген нығытҡан өсөн” миҙалы менән наградлана.

2023 йылдың март айынан Украина биләмәһендәге махсус хәрби операцияла алғы һыҙыҡта була.

Илгизәр ғүмеренең аҙағына тиклем хәрби антына тоғро ҡалып, Рәсәй армияһы офицеры исемен данлай, геройҙарса һәләк була.

Рәсәй Президенты Владимир Путин Указы менән хәрби бурысын үтәгәндә күрһәткән батырлығы һәм ҡаһарманлығы өсөн үлгәндән һуң Батырлыҡ ордены тапшырыла.

Илгизәр Вәғиз улы яҡты донъянан китһә лә, ул беҙҙең менән. Ул хәтеребеҙҙә мәңге һаҡланасаҡ. 

Последние новости

В Учалинскую центральную городскую больницу Республики Башкортостан поступил новый видеогастроскоп...

В Учалинскую центральную городскую больницу Республики Башкортостан поступил новый видеогастроскоп.

В Туймазинском районе перед судом предстанет старший воспитатель детского сада за посредничество во взяточничестве

Туймазинская межрайонная прокуратура утвердила обвинительное заключение по уголовному делу в отношении сотрудницы дошкольного учреждения.

Card image

Сравнение гофрокартона с другими материалами упаковки по целому ряду параметров

Комментарии (0)

Добавить комментарий

Ваш email не публикуется. Обязательные поля отмечены *